黃芽白炒雞肉臘腸
"黃芽白炒臘腸?嘩!咁簡單的餸都寫blog, 有冇攪錯, 係人都識喇!"
一點也沒錯!就是這樣簡單, 但好味喎!從聖堂回來, 見到雪櫃, 只有少少黃芽白, 上次蒸蘿蔔糕買的雞肉臘腸, 那麼就用這兩樣食材, 快快脆脆煮個餸送飯。
材料: 黃芽白, 臘腸, 蒜頭
調味: 魚露
首先把黃芽白洗淨切碎或條狀, 蒜頭切粒。
至於臘腸, 我就用水浸著, 放微波爐叮1分鐘, 就像是在熱水中焯一焯,去去油。之後切粒或片狀。
熱鑊加油, 爆香蒜頭, 再放黃芽白, 炒至半熟。
放入臘腸, 炒一會, 加適量魚露調味, 炒均勻, 完成上碟。
好味!
P.S. 今次, 最想分享是炒臘腸通常會先過一過熱水, 不過更快的方法,
就是把臘腸浸在水中, 用微波爐叮約一分鐘便可。
請先 登入 以發表留言。