唔使下廚經驗都掂!蒸豬肉丸配紹菜
在美國, 只要想食就是motivation(動力), 驅使我不斷睇片, 再嘗試煮出想吃的餸菜來。
早前看電視見到主持人用碎豬肉(免治豬肉)釀在一片片修剪過的紹菜上, 再去蒸, 我就稍作修改, 免除麻煩, 索性把紹菜墊底, 上上面肉丸, 隔水蒸, 出來的效果, 超正一流, 肉汁滲透紹菜, 吃起來好滋味嗯!
材料: 碎豬肉(免治豬肉), 紹菜(黃芽白)
調味: 生抽, 鹽, 糖, 麻油, 黑椒, 豆粉
先在碎豬肉加入生抽, 鹽, 糖, 麻油, 可加幾滴水, 再加豆粉攪拌成肉醬, 接著加豆粉/粟粉, 使有黏性, 易搓成肉丸, 之後可灑上黑椒。
碟底舖滿紹菜, 可以一瓣瓣, 不用切片, 上面便放上肉丸, 隔水蒸至熟。如覺味淡, 可加熟油豉油, 而我就覺得好夠味了!我買的紹菜菜葉偏黃, 蒸出來也帶黃色, 怪怪的, 不過味鮮, 好吃都冇所謂喇!
完成了, 開飯!
請先 登入 以發表留言。